Ամանորյա ռադիո Կարդում ենք Զահրատ

Հյուսիսային դպրոց

Երկարացված օրվա ճամբարականներ

Կարդում ենք Զահրատ

 

Ամանորյա կավե ձնեմարդուկներ

Երկարացված օրվա ճամբարականների հետ աշխատեցինք կավով։Պատրաստեցինք կավե տոնածառեր և ձնեմարդուկներ։

Հյուսիսային ռադիո.Ամանորյա ավանդույթները տարբեր երկրներում

Ստեղծագործ ճամբարականները

Երկարացված օրվա ճամբարականների հետ շարունակում ենք Ամանորյա ծես․ուսումնական նախագիծը։Ճամբարականները հորինեցին ձմեռային հեքիաթ,նկարեցինք paint ծրագրով և տեղադրեցին իրենց բլոգներում։

Կարեն Ասլանյան

Արթուր Զալինյան

Աշոտ Փանոսյան

Լառա Պետրոսյան

Խեչոյան Ռաֆայել

Գագիկ Հակոբյան

 

Պատրաստվում ենք Ամանորին

Երկարացված օրվա ճամբարականների հետ պատրաստվում ենք Ամանորին։

Մեր դասասենյակին տոնական շունչ հաղորդեցինք։

Ամանորյա ավանդույթները տարբեր երկրներում

Տարբեր ժողովուրդներ տարբեր կերպ են տոնում Նոր տարին և ունեն տարբեր սովորույթներ: Ներկայացնենք դրանցից մի քանիսը՝ որպես առավել արտասովոր սովորույթներ:

 

Կուբայում Նոր Տարվա նախօրեին բոլոր դույլերը, թասերը լցնում են ջրով և կեսգիշերին պատուհանից դուրս թափում: Այդպիսով անցնող տարուն ցանկանում են ջրի պես լուսավոր ճանապարհ: Մինչ ժամացույցը խփում է տասներկու անգամ, անհրաժեշտ է խաղողի տասներկու հատիկ ուտել ,և այդ դեպքում մարդուն ամբողջ տարվա ընթացքում կուղեկցեն համերաշխությունը, խաղաղությունը և բարեկեցությունը:

 

Ճապոնիայում Նոր Տարվա գիշերը 108 անգամ զնգում են զանգերը: Յուրաքանչյուր հարված համապատասխանում է որևէ արատի` ագահություն, հիմարություն, չարություն, թեթևամտություն, անվճռականություն և նախանձ: Ամեն մի արատ ունի տասնութ տարբեր երանգ, որոնց ընդհանուր գումարը կազմում է 108:

 

Չինաստանում Նոր Տարին նշվում է ավելի ուշ, քան ավանդական եվրոպականը. այդ տոնը գալիս է փետրվարի վերջին: Չինական Ամանորի բնորոշ հատկանիշները համարվում են ճայթուկներն ու հրավառությունը: Չինացիները հավատացած են, որ ինչքան շատ լինեն լույսերը, այնքան երջանիկ կլինի գալիք տարին:

 

Իտալական ավանդույթի մասին գիտեն գրեթե բոլորը: Իտալիայում նույնպես կարծում են, որ Նոր տարին պետք է դիմավորել` ազատվելով հին իրերից, վատ ու տխուր հիշողություններից: Իտալացիները պահպանել են դեկտեմբերի 31-ի գիշերը պատուհանից հին իրերը դուրս նետելու սովորույթը: Ընդհանրապես Եվրոպայի շատ երկրներում կա հնուց ձևավորված «առաջին օրվա մոգություն» կոչվող մի սովորույթ, որի համաձայն տարվա առաջին օրվա պահվածքով որոշում են, թե ինչ է սպասվում տվյալ մարդուն գալիք տարում: Այդ պատճառով բոլորն այդ օրը նոր շորեր են հագնում և աշխատում պարտք չվերցնել: Շատ երկրներում կեսգիշերին երազանք են պահում` հավատալով գալիք տարում դրանց իրականացմանը:

 

Իսպանիայում, Պորտուգալիայում և եվրոպական այլ երկրներում խաղողի վազը հնուց համարվում է ընտանեկան երջանկության, սիրո և օջախի խորհրդանիշ: Այստեղ տարեմուտի գիշերը` ժամացույցի վերջին տասներկու զանգերի հետ, տասներկու հատիկ խաղող են ուտում և գալիք տարվա բոլոր ամիսների համար երազանք պահում:

 

Բելգիայում բոլոր ազգականները հավաքվում են տոնական սեղանի շուրջ, և բոլոր տներում երեք րոպե հանգցնում են լույսը` այդ ժամանակն անվանելով ամանորյա համբույրների րոպեներ, որոնց գաղտնիքը պահում է մթությունը:

 

Շոտլանդիայում կարծում են, որ ով Ամանորին առաջինը մտնի իրենց տուն, նրանից է գալու եկող տարվա հաջողությունը: Ըստ հավատալիքների` մեծ հաջողություն է բերում թուխ մազերով տղամարդը, ով նաև նվերներ ունի: Այստեղ բուխարիում մեծ կրակ են վառում և տասներկու զանգերին սպասելիս ամբողջ ընտանիքով հավաքվում շուրջը: Տոնի ընթացքում ամենուր փոխանակվում են ողջույններով ու բարեմաղթանքներով, գրկում ու համբուրում են բոլոր բարեկամներին ու ազգականներին, կենացներ հնչեցնում` միմյանց մեծ երջանկություն և ուրախություն մաղթելով:

 

Անգլիայի բնակիչները կեսգիշերին` ժամացույցի վերջին զարկերի հետ, բացում են տան ետեւի կողմի դռները` հին տարին դուրս բերելու համար, եւ բացում են մուտքի դուռը` նոր տարին ներս թողնելու համար: Երեխաները քնելուց առաջ Սանտա Կլաուսի նվերների համար ափսե են դնում, իսկ կոշիկի մեջ խոտ` նրա ավանակի համար:

Ամանորյա ծես․ուսումնական նախագիծ

ժամանակահատվածը՝դեկտեմբեր ամիս

Մասնակիցներ՝երկարացված օրվա տարատարիք սովորողներ

Նպատակը՝  Նախապատրաստում «Ամանորի ծես» տոնախմբությանը

Խնդիրները՝

• Զարգացնել սովորողների տեխնոլոգիական հմտությունները
• Ուսումնասիրել տոնական խոհանոցը
• Ուսուցանել Ամանորի և Սուրբ Ծննդյան երգեր
• Զարգացնել սովորողների մեդիահմտությունները
• Զարգացնել ստեղծագործելու, երևակայելու հմտություններ:

• Սրահի ձևավորում
• Ամանորյա բացիկների պատրաստում
• Անսովոր տոնածառի ստեղծում
• Բակի ձևավորում

Հետազոտության, ուսումնասիրության թեմաները՝

• Ամանորյա հեքիաթ
• Ինքնաշեն խաղալիքներ, տոնի ծառ
• Ամանորյա ավանդույթները տարբեր երկրներում
• Ամանորյա և Սուրբ Ծննդյան երգերի ընտրանի
• Տոնի խորհուրդը:

Մեդիաբացիկների ստեղծում՝ Սովորողները կստեղծեն էլեկտրոնային բացիկ Paint / ծրագրով :